تزعلين وتقعدين قصيده لحامد زيد

((تــزعلين وتقعديــــــن))

عافت الشمس المدينة وأعلنـت وقـت الـزوال
رغبـةٍ للنـوم منهـا مـع عيـون الناعسيـن

أبعدت من يوم شافـت بالسمـا ضـيّ الهـلال
كنّهـا كانـت تـهـزّا بالـهـلال وتستهـيـن

كفكفت صبح التلاقـي مـن ورا روس الجبـال
واستخارتني وراحت وابعدت عـن كـل عيـن

وانتي أخطيتـي خطاهـا وانعزلتـي بالوصـال
ولا رحلتي مـن سكـات ولا وعدتينـي تجيـن

عشت عمري بالمحبـة فـي سبيـل الاحتمـال
وانتي تعيشيـن عمـرك تفرحيـن وتجرحيـن

من غرورك في جمالـك مـا عطيتينـي مجـال
وأدري إنـك تفهمينـي لـو بغيتـي تفهميـن

كيف أشوف الشمس تشرق بالسما وانت ظلال ؟
ومن يعيش بوسط غـارٍ للذيـاب الجايعيـن ؟

كنت أحسب الكره زايل والجفـا لـو طـال زال
ولا بديتـي بالغـرام ولا بقـى فينـي حنيـن

أشهد إنـي مـا خطيـت ولا نويـت الانعـزال
وما خدعتك في غرامي ليـن شفتـك تخدعيـن

اصدقي بالوعد مـرة لـي ولـو فيهـا سـؤال
من عرفتك ما أذكر إنـك توعديـن وتصدقيـن

كنت أشوفك من عيونك تأمرين أقـوى الرجـال
والله إني قبل أعرفـك مـا هقيتـك تخضعيـن

كنت أشوفك تبعدين وقلـت مـن بـاب الـدلال
وإن بعدتي عن عيونـي قلـت باكـر ترجعيـن

كنتي أكثر في عيوني من عـدد وبـل الخيـال
وين أنا ما الد وجهي كنت أشوفـك تضحكيـن

وإن بغيت أصد عنك من يميـن ومـن شمـال
ما قـوت عينـي تلفّـت لا شمـال ولا يميـن

عاشقٍ والعشق بلوى وأشهـد إن الحـال حـال
ولا تركتـي رحمـة الله ولا عرفتـي ترحميـن

وأدري إنك في غرامـي للأسـف نلتـي منـال
افترقنـا فـي دقايـق والسبـب لعنـة لعيـن

حبك أشبه فـي غرامـي بالوصـال الانفصـال
ويلعـب الخفـاق لعبـة كبريـاء الخاضعيـن

بالهوى ماهـي غريبـة نكبـة عيـال الحـلال
ولاني أول من يصون ولا انتي آخر من يهيـن

الصداقة فـي عيـون النـاس منفـى للعـدال
وكـان ردّت للصـراحـة كلبـونـا مذنبـيـن

المحبـة شبـه زالـت والصـداقـة لاتــزال
بس أببقى في عيونك ( حامد ) اللـي تعرفيـن

علّميهـا يـا قصيـدة واضربـي فينـي مثـال
عرفيهـا بالبـداوة فــي طـبـاع الأولـيـن

علّميهـا كيـف نصنـع صبرنـا والاحتـمـال
علّميهـا كيـف نفلـح بالعمـل دنيـا وديـن

علّميهـا فـي سوالـف حلّـنـا والارتـحـال
علّميهـا كيـف نظهـر جـورنـا للجايـريـن

علّميهـا يـا دقايـق ، علّميهـا يــا لـيـال
علّميهـا يـا عصـور وعلّميهـا يـا سنـيـن

إن عشقنا مـا بغينـا غيـر عشـقٍ بالحـلال
وإن نوينـا مـا لفينـا كـود نـاس طيبـيـن

كامليـنٍ فـي عطـانـا بــس لله الكـمـال
والرجل فينـا غرامـه لـو يعيـن ويستعيـن

ابـدويٍ مـا يقـوده للـردّى شـد الحـبـال
يعسف اليـدّ الشحيحـة للعطـا حتـى تليـن

همنـا فعـل الرجولـة رمزنـا لبـس العقـال
وانتي المكياج كله صار فـي وجهـك سجيـن

عندك المكياج موضـة تحسبيـن إنـه جمـال
صار همـك فـي حياتـك تكشخيـن وتطلعيـن

والا أنا قلبي بقـى لـي بالمحبـة راس مـال
والله اللـي مبتلينـي بالـهـوى والله يعـيـن

إن بغيت أعشق أبالقـى كثـر حبّـات الرمـال
لكن انتي لو بغيتـي صعـب مثلـي تعشقيـن

قلت لك كل الصراحة وأختـم أطـراف الجـدال
وإن زعلتي مـن كلامـي تزعليـن وتقعديـن

من جد ابداع ياكيمو استمر والي الأمام دوماً انتظر جديدك باستمرار
تقبل مروري

كيمو بصراحه

كتبت فأبدعت

ومشكوووور

ونتظر الجديد من ابداعاتك

يسلموووووووووو يا عاصمة الذووووووووووقـــے

وردة

لــــــك اجــــمــــال تـــــــحـــــيــــاتـــــــــــي

وإلى الأمام دائماً بإذن الله

اخوكــے صـعــــبــے الــــمـــــنــــالــے

[

bounce

الشكر لكم جميعا وابشروا بالمزيد

كيموووووووووووووووووووووووووووووووو

على فكره
من أجمل قصائد حامد زيد
ومن المفضله عندي وتراني حافضها

عل العموم مشكووووور يا كيمو على النقل واستمر في الابداع طيب ؟

أخوك : تقدر تقلي حتوووووم أو أبو غازي

الله يحييك اخوي حتوووووم

ومشكور على الكلام اللطيف

كيمووووووووووووووووووووووووووووووووو

إن بغيت أعشق أبالقـى كثـر حبّـات الرمـال
لكن انتي لو بغيتـي صعـب مثلـي تعشقيـن

حامد زيد

اشكره على هذا البيت الرائع

من زمان ادور عليه

ولقيته عند المبدع حامد زيد

عزيزي كيموو

اختيار رائع

من شخصية اروع

سلمت

تحياتي

الشكر لك ياعسل