أجمــل يــوم بالدنيــا

حبيــت أنقـــل لكــم أجــمـــل محــادثه بيني وبين شخــص عزيــز علـــى قلبـــي

وهـــب عبـــاره عــن خــاطرتين

الأولـــى لهـــذا الشخـــص العزيز والغـــالي

والثــانيه أيــضاً خــاطره وهــي ردي عليــــه

وربــمـــا تكـــون آخــر مشـــاركاتي تنفيذاً لرغباتــه

خــاطرة هــذا الشخــص:بعــنوان (<< أحبــك >> .. ياسخـــيف!!)

ولا كلمه.. ولاحــرف مابي اسمـع عذر.. لاتكلمني ابــد..
اكتشــفت إنك سخيف وينك الباارح؟! وربي إنــك سخيـف!!
ماتدري إن الجفى بشرع الهوى عيــب وحرام؟!
يعنـي ماتدري وش إحساسي تجاهــك؟!
ياســلااام!!
مابي أعذار المهم إنـك جفيت وهذا طبعك..
وأنا من طبعي وفــيت..
وماأجبـرك كيفك.. إنــت حر!! سو اللي تبيــه..
بس أنا بـ أسهـر غلا غصـب عليــك..
وأنا حــره في عيونـي..
وأمــوت شوق وأعشق وأحب وأعلم الناس..
بقول إنــي هويت.. وبعد غصــب عليك..
واللي تبي تسويه سوه..
وبذووب فيــك.. وماراح أستأذنك.. بــ أعشق وبس كيفي!!
وأنا حره.. وإنت حر.!!
بـ أكتب اسمك فوق كفـي .. وأتغنى فيك قدام البنـات..
وأسهر الليل أتقلب لجل عينك..
وأدعــي الله ماأنحرم من منك أبــد..
ومو بكيــفك.. غصـب عليــك..
وكل واحد يسوي اللي يبـيه.. وأنا أبيـك ياسخيـف!!
أنا ماأكـذب.. ولا اتـسلى.. أنا هويـتك غصب عني..
والقــدر من يقـوى عليـه ؟! بــس ربـي..
خل أقولك شي.. تـدري البارح وش صار ؟!
ياااهـ.. يانا عشـت أجمل عمر تخيلتك معي..
والهوى حلـم وخياال..
وربي عســوول الهوى سكـــر..
يشبه الكتكات في ريـق البنـات!!
تدري البارح ضحكت.. ثم رديت وبكيت.. ثم رديت وضحكت..
ثم رديت وبكيت.. كني مجنونه.. صح؟! أدري إنك قلت (( صح )) !!
بس وربي ماني مجنونه عقل أنا مجنونه عليــك.. ياسخـيف..
ميت إحساسـك وإلاتتغلى علي؟!
إذا تتغلى: يااهـ وربي ماأغلى منـك أحد..
تدري وش كثـر الغلا اللي يحتويـك بوسط عيني ؟!
كثـر أمي .. كثــر ابوي ..
إنت أنا.. وإنت أمي .. وإنت ابوي ..
وإنــت إختـي .. وإنت أخـوي..
وإنـت روح بوسـط روحي..
وإنـت قلب بوسـط قلبي ..
وإنت شمسي بالصباح.. والمساء بعيـني بدر..
ياشموخـي بين كل الناس..
ياجموحي عن غلا غيــرك.. فديتك
يااعتــزازي..
وتـاج راسـي..
وإنـت نجمي في طريقـي..
وإنت نبراسـي..
وطعـم كاسـي .. وكل ناسـي..
يا عزاي إن صـار في عمـري ماسي..
إنت في عيـني كحـل..
وإنـت في خصري حزاام..
وإنت في صدري عطـر..
وإنت في خدي قمـر .. وإنت في بكفوفي ذهـب..
وفي جيدي غلاي.. وقلادة الماسـي.. ياسخـيف!!
يعني ماتـدري بغلااك ؟!
وربي أغلي تراب بابـك لاوطـت رجلك عليـه..
ولويبيعونه لعينك اشتـريه..
وربي أحسـد أنفاسك إذا تدخـل لصدرك..
وأحسـد الخاتم إذا يسكن بكفك..
وأحسـد أصحابك إذا نادوك بسمـك..
وأحسـد أخوانك .. وأبوك!!
وحتى جيرانك بعـد وكل حيـك.. والشوارع .. والمدينة!!
والعيون اللي على شانـك حزينـة..
والمطـر لو مس راسـك..
وحتى لو تدمع عيونك أحسد الدمعة إذا نامت بخدك وأتلوى.. وأتصبـر..
وأنتظر ساعـة فرج من عقـب شهرين ضيق!!
كل هذا مو غلا؟!
ياخي رح والله ماتدري بإحساسي تجاهـك ياغلاي !!
والغلا قسمـه ونصيـب.. وراضيه بحكم القدر!!
يا بعـد كل الجروح.. وإنت جرح ينزف أشواق وعطـر..
قول يارب :
جعـل جرحك فيني مايطيب..
وإنت في عمري صديق..
وإنت بإحساسي حبيب..
وإنت شمعة.. أحترق من ضحكـتك..
وإنت دمعة.. أنزفك في غيبـتك..
وإنت سلطانـي..
وتحنـاني..
وأفراحي وأحزاني..
ياقصيدي.. وفرحتي في يوم عيـدي..
ونبضي اللي وسـط صدري..
وعطـري اللي في وريدي..
وارتعاشـي والدفى بحافة فراشـي..
أشـربك بالصيف..يااهـ بردك..
وأتظلل في غلاك لحتمى صـيف الهوى..
وبالشتا أنفاسـك جمر.. وكفوفـك لهيـب..
وإنت بعيوني سوالف ماسمعها إنسان ثاني..
من صباحـي لين ليلي..
وإنت بعيوني عمر ماكتـب لانسـان ثاني..
والله مايتهنى فيه إنسان غيرك..
وحتى لو إنــك سخيف..
وماتقـدر هواي.. وربي عادي..
المهـم إن كل شي بعيوني متساوي ..
ومو مهم .. وإنت بلحالك مهم!!
وخلهـم يدرون.. عادي..
وخلهـم يحكون.. عادي..
كلها قصـة هوى.. وعشـق نظيف..
مايعرفونه ولايدرون وش معنـاه.. انا ما أهتم فيهـم..
يكفي إن عشـقي شريف..
يكفي إن قلبي عفيف..
يكفي إن عرضي نظيف..
وكلـــــــهم يدرون بس وش بتقول؟!
الحسـد بقلوبهم ينبت نبات!!
بس يالله الثبات!!
والله العظيم أحبـك ياسخيف يالله رووح!!
وربي إنك أملح من خلق ربي لو إنـك سخيف!!
ربي لايحرمني منـك!!
ولا من سخـفك وشينـك..
ولا من نظرات عينـك..
وقول يارب:
قلها تكفى ياسخيـف!!
ربي لايحرمـني من غلاك..
ولا تكلمـني أبد..
اكتشفـت إنك سخـيف !!
.............................................

ردي عليــــه وبعـــنوان: (أنــا سخيــف؟؟!!!)

أنا سخيف؟؟؟؟أنا جفيت؟؟؟؟؟
أنا عمري لكِ وفيت....
وقلبي وروحي لكِ عطيت.....
بس اقول صدق إنك غبيه.....
لا ويا زينها لا سوت نفسها ذكيه.....!!!
تظن إن سهرها ما يأثر فيه...
إلا تعـالي متى سهرتي؟؟؟ ولا كنتِ تدارين؟؟؟
أسالك بالله ما كنت أسهر الليل ثم اقوم مع صباح الله خير
مين اللي يتغلى الحيــن؟؟؟؟؟!!!!!
كنت أصحى لأجل ميـن؟؟؟؟ قولي لي ولا تسوين نفسك غبيه....
ما أنام إلا أربـع ساعات بالكثير....
ويوم صحيت الوالده انقدتني....
تقول ليه ليه لو قلت قووم قلت وين أتلقى قبل لا ينشد الطير
ولا الحبايب خذوو عقلك وصرت مشغول الفكر بالحيـل....!!!!
وتظن إني سخيف وما أحبها بس من جد غبيه..
إنتي هـلي,ونـاسي,إنتي كل البشر والذريه
إنتي لا غبتي عنـي تمـوت أنفـاسي.
إنتي هواي,إنتي عشقي ,إنتي الماي
إنتي نظر عيني,إنتي شمس الضحيه..
أنا اللي من حبـك نسى ربعـه نسى ناسه
أنا اللي من حبك ذاق العذاب من كاسه...
أنا اللي إذا شافك صاار مزااجه(ونــاســه)
يا بنت يا غبيه أنا اللي لا كان وياك نسى همه وأحزانه
أنا اللي يحبك مووت أنا اللي بنى وياك احلامـه
غبيه يوم قلتِ لي في ناس يحبوني كثرك...
غبيه لـو ظنيتي إن في أحد يشبهني لو شويـه...
يا بنت أنا حبي لكِ ما توزنه جبال...
أنا حبي لا بغيتي تحسي به أنتظري هبوب الشمال...
وبعد مـا تشعري به..صدقيني ما بيهدا لك بـال...
إلا يوم تلقين ذاك المغرم الولهان بواقعك مو بالخيال
قدام باب بيتكم ينتظر مين يفتح له البااب...
ينتظر لو جلس طول عمره ما بيمشي لين يسمع الجواب
يبي يكون ويـاكِ والله بدوونك أحس بإغـتـراب...
إنتي نجــوم الكون إنتي الضي إنتي الشمــوع...
ويحترق قلبي ويكرهني لا تسببت ونزلت من عينك الدمـوع
وتقولين سخيــف؟؟؟؟؟؟
أنا مـن حبـك أبكيت الليل وجلاسـه...
يا بنت حلي عن سمااااي تراكِ من جد غبيه....
أشتاق لك...,أحـن لضحكت وبسمة شفاتك...
أحب ألمس خدود وأموووت لابانت غمزااتك...
يا غبيه..ياللي تقول إنها مجنونه فيـه...
أن ادري إن عشقك لي عذري وعفيف..
وأدري إنك اشرف من الشرف..وعرضك نظيف...

ماهمني الناس أو هلي لا درو فيه !!
يا ناس تراني أمووت بهذي البنيـه..
يعني وش علينا خليهم يظنوون اللي يظنـون....
ولو غـارو مننا جعلهــم يطقــون ^_^
ما همني بيوم كلام الناس....وخليهم يحكوون
مو مهم المهم إنتي حياتي وعشقي وتاج راسـي
إنتي عزتي وليتك تراعين إحساسي...
بس ما اقول إلا كله من أمك وأبوكِ اللي جابو وحده غبيه
وربي من جد ترفعين ضغطي لا سويتي نفسك غبيه
أدري إن هذا حبي....أدري إن هذي سووات قلبي
لا تظنيـن إني بإبتعادي عنك ما كنت أعاني
صدقني معاناتي تهز جبال
وغيرتي بينت لك وش كنت أدااري.
إتهـامك لي هالمـره بيخليك علي الجـاني
أكبر قضيه لا قلت إني بحبك مالي علاقه ولا شاني.
تدرين؟؟؟
ابيك تفهمين اللي بقوله من الجمل والمعاني

مقدر أتخيلك بأحضان إنسان ثااني..!!!
غيرك أنا مابي ولو تعذبيي يا عيوني أنا راضي..
واللي خلق الكون إنك دوم بـ
قـلبي
بـ بعقلي
بـ رووحي
وبـ كياني
أحبك بقلبي
ولو ما كان لي قلب هم بحبك
انا مو قلبي بس يحبـك!!!!
كل شئ فيني والله يحبك
أحبك بكل خليه,حبك بدمي يجري ومن كل شعيريه دمويه..
وحبك لي...مـن ربي أعـظـم هـديه..
حاولت ألاقي مكانك بديـل
واكتشفت إن ربي ما خلق مثلك بالكون مثيل
سخيف أنا يوم ظنيت حبيبي نسـاني
سخيف إني جرحته وكنت تافه وأناني
بس والله أحبك وما بقلبي إنسان ثاني
بالعربي مابي غيرك ولو حياتي بتكون معك ثواني
بعيشها ويااك,بعيشها وأنا أقول أحبك يا غرامـي.
تصدقيـن؟؟
أدري إنك بتزعلين من كلامي
أدري إنك قلتِ:
يا حبيبي ما أبغـى طاري الموت على لسانك
ولا أبيـك تتركني وترحل ترا بحضني مكانك
حبيتي لا يزعلك مني كـلامي
بس كل حلمي إني أموت بحـضنك
لإن حضنك جنتي وداري
وقتها أكون قطعت الشك باليقين
إنـي مـعـك ووياك التقيـت
ومـن شوفتك أبد ما بيوم مليت
بس هذا القدر مكتوب إني أموت وارحل عن مكاني
وأشكـر ربي واقول:
عشت وياها أجمل لحظات بحياتي
صحيح برحل بس حبي لها بااقي
صحيح ببكي على فراقك بس مرتاح لعشقي ترابك
غبيه والله غبيه إني ظنيتي إن حبنا مجرد أحلام وأماني.
................................................................
أتمنـــى مــا أكـــون ضايقت أحــد بطــرحي لأحــدى ذكرياتي

angel the one

روووووعه انجل تجنن
ويشرفني اني اول وحده ترد عليك
بصراحه اروع واجمل محادثه قريتها في حياتي
صح انه طالع من القلب
ابدعتو اثنيناتكم بس لي طلب انت قلت انها اخر
مشاركه لك بناء على طلبه ..صح
ارجوك لا تترك المنتدى انت مميز ومواضيعك
رائعه طلبتك لا تخليه..

بالفعل رائعة الخاطرتين
انت مبدع فلماذا ستكون هذي آخر مشاركاتك لاترحل

أخت بنوتة ,واخـت القلب الحائر

أنا كنت أول بمنتدى أنا والشخص العزيز علي ,وتركنا المنتدى واتفقنا نترك المنتديات

دام اثنينا مع بعض.

وصدقيني أنا كلمته بخصوص المنتدى وقال يا ندخله منتداكم العزيز مع بعض

أو أتركه ونكون عند وعدنـا.

وأنا ما دخلت المنتدى إلا بناءً علــى رغبــة شخــص وصديق عزيز طلب

مني أدخل المنتدى.

أتمنـــى محد ياخذ على خاطره مني.

وبيوصلكم ردي قريب بإذن اللـــه

angel the one

ابدع روعه جنااان حركاااااااات والله مادري
غير اقول انك مبدع ولاتتركنى ترى من جد حبيناك ياسخيف
امزح اخوي لاتزعل