أفا يا قلبي الطيب

دخيل الله ياقلبي أنا طالبك تعفيني
//
... أنا طالبك تنساااااني ولو مره تخليني
//
أعيش بدنيتي وأهنا مثل باقي البشر سالي
//
... بدون الحب ياقلبي وبدون هموم تكويني
//
أنا ماعاد فيني روح تبيها تتبعك ثاني
//
... انا فيني جسد باقي بدون شعور يحويني
//
على كثر القلوب اللي هوينا ماصدق واحد!!
//
... ياقلبي ابتعد عنهم ترى اللي فيني كافيني
//
زرعْت الحب فأعماقي وحصدْت جروح تاليها؟؟
//
... وردى هالحظ خاواني ولقى كل مايبي فيني
//
كثير أحباب حبينا وعطيناهم بدون حساب
//
... ولاخذنا سوى غدر ٍ ملا راحات كفيني؟؟
//
وكثير أسباب تجبرنا بلا حسوفه نخليهم
//
... لأن والله مافيهم ولا واحد ملا عيني
//
ولكن أكبر الصدمات جتني من يدين اللي
//
... حسبته غير كل الناس ومايعنيه يعنيني
//
هذاك اللي تصورته طموح العمر ياقلبي
//
... هذاك اللي تخيلته هناي وضحكة سنيني
//
عطيته من دفا روحي قصايد أشعلت ليله
//
... وأنا ما أكتب لغيره ولا أي شخص يغريني
//
كتبت أحلى كلام الحب في عينه ولافكرت
//
... يجي اليوم اللي أستخسر قصيدي في محبيني
//
على مبدا (الخصوصيه) يحاول يبعد شكوكي
//
... وعلى مبدا (الصراحه) كنت وكانت لعبته فيني
//
خذلني للأسف والله وهدم كل مابنا بلحظه
//
... وطلع هالحب مايسوى مواطي تراب رجليني
//
أنا كنت أحسبه أعظم علاقاتي ولاظنيت
//
... بأن أعظم علاقاتي بخيانة حب تنهيني!!
//
ويـمّـي صاحبي دايم يذكّرني بوهم حبي
//
... وأقول ارتاح ياعمي ترى مالك شغل فيني
//
خسرت أصحابي من حولي خسرت الكل بأسبابه
//
... ألا حسبي عليه الله كثر ماهو معنّيني
//
أفااااا ياقلبي الطيب...أفا وشلون ترضاها
//
... وأنا من صدمة ٍ بالحب إلى صدمه توديني
//
بدون عناد اسمعني ولا تفتح لي الموضوع
//
... حشا لو تفتحه ثاني لأشيلك من شراييني
//
خلاص الحين انساهم وأنا ماعاد فيني حيل
//
... لهم رب ٍ يجازيهم/ ولي رب ٍ يجازيني

ـودمتم بدفء..,

منقوووووووووول

الله الله الله الله

كلمات في قمة الروعة وتسلمي على النقل الرائع

يسلمووووووووووو

مره خطيررررررررررررررره

والله كلمات خطيرة ورائعه جدا

تسلم أناملك الذهبية يا غالية

كلمات جميلة جدا

ونقل موفق عزيزتي

اتحفينا بجميل كلماتك

تحياتي

مشكورين حبايبي